32 Mò, 346 Prizonye an Kaval Dapre Rapò RNDDH sou Evazyon Prizon KwadèBoukè a

Rezon Nasyonal Defans Dwa Zimen, RNDDH mete deyò yon rapò 22 paj sou evazyon ki te fèt nan prizon sivil KwadèBoukè a nan Pòtoprens jou ki te 25 fevriye 2021 an. Envasyon sanglat sa a te gen pou objektif libere chèg gang Vilaj de Dya a, Arnel Joseph, dapre rapò a. Rapò a fè kwè gen anviwon 32 moun ki pèdi lavi yo nan evazyon sa a, 28 nan yo mouri menm jou a. Pami viktim yo gen polisye kite responsab prizon an ke yo egzekite devan baryè antre sant kaseral la. 21 nan prizone yo pèdi lavi yo lè yo te kwaze babkoubab ak inite espesyalize polis la ki pat ba yo chans pou chape oubyen retounen nan prizon polisye egzekite prizonye sa yo nan tout lari KwadèBoukè dapre RNDDH.

Chèf Gang Arnel Joesph li menm ta pral pèdi lavil nan zòn Machan Desalin nan Latibonit. Gen 18 lòt moun ki blese pandan atak nan prizon an, pami yo 3 plosye APENA. Kontrèman ak sa ki tap di nan medya yo, ebyen pa gen viktim nan kan popilasyon KwadèBoukè a. Dapre RNDDH tout viktim mòtèl ki te gen nan lari yo se te prizonye ki tap eseye chape pou l yo pandan evazyon an. Pami 433 prizonye ki sove yo se sèlman 87 lapolis rive mete men so yo. 346 nan detni sa yo toujou an kaval. Ankèt Enspeksyon Jeneral Polis la tap mennen pou konnen enplikasyon polisye ki de sèvis nan prizon an jou sa a prèske pare tou.

Enstalasyon Manm CNAL, yon Ak Bòn Volonte Jidisyè Dapre Prezidan Jovenel Moise

Prezdain Jovenel Moise chante kantamwa l pou enstalasyon manm CNAL, kote li di se yon Ak Bòn Volonte Jidisyè ki pral ede demini kidonk moun ki pa gen mwayen ekonomik yo ki gen pwoblèm ak lalwa,”Prezidan Moise pwosede ak enstalasyon plizyè manm komite CNAL la ki gen misyon pou ede moun ki pa gen mwayen pou peye avoka lè yo gen pwoblèm ak lajistis.

Dapre Prezidan Jovenel Moise komite sila a pral ede nan redwi kantitie moun ki nan prizon e ki paka peye yon avoka pou defann kòz yo. Leta agtravè komite CNAL la ap mete avoka aladispozisyon moun sa yo. Prezidan Moise deplwore le fè ke sistèm jidisyè a jan lap fonsyone a se tankou yon bouwo pou moun ki pa gen gwo mwayen nan peyi a.

Kote anpil nan detni sa yo pase plis pase 10 zan nan prizon san yo pa jann wè jij e san yo pa janm jije. Rezon an se akoz yo pa gen kòb pou peye yon avoka pou defann kòz yo. Lokatè Palè Nasyonal la di leta atravè komite CNAL la a ap bay asistans legal ak tout moun sa yo.

Prezidan Jovenel Moise raple tout moun kap travay nan sistèm jisits la ann Ayiti soti nan grefye pase nan jij, avoka, elatriye ke dinye imèn se dwa fondamantal tout sitwayen. Enstalsyon komite sa a fèt nan Palè Nasyonal jou kite 6 me 2021 an an prezans plizyè otorite nan 3 pouvwa yo ak kò diplomatik la.

Ayiti-Elesyon: Gouvènman an Pa Konte Fè Bak sou Pwojè Referandòm nan Magre Kòb li Poko Kont

Pouvwa egzekitif la ann Ayiti pa konte fè bak sou pwojè referandòm pou yon nouvèl konstitisyon peyi a malgre pifò zanmi nan kominote entènasyonal la di yo pa motive ase pou bay yo asistans finansye nan sans sa a. Pa egzam, Etazini ak Inyon Ewopeyèn ki kwè referandòm nan se yon bòn ide, toutfwa panse ta dwe gen patisipasyon tout moun ladan. Pou tèt rezon sa a, yo deside yo pap finanse referandòm nan. Yon lòt kote se opozisyon politik la ki di yo pa nan ni youn ni lòt, ni referandòm ni eleksyon, ak Prezidan Jovenel Moise sou pouvwa a yo estime ke manda l fini depi 7 fevriye 2021 pase a.

Dapre minis chaje nan zafè eleksyon yo ak dyalòg ak pati politk yo, Matias Pierre, referandòm nan ap koute leta ayisyen anviwon 40 milyon dola. Gouvènman bezwen anviwon 125 milyon dola pou l fè eleksyon an total i konpri referandòm nan. Leta gentan mete adispozisyon KEP a 20 milyon dola. Dapre minis Pierre, premye lo materyèl pou referandòm nan ap rive nan peyi a 15 me kap vini an. Strikti kap mete an plas pou referandòn nan ap tou sèvi pou pwochen eleksyon yo. KEP a deja fin evalye 80 pousan nan sant vòt yo.

Pou sa ki gen rapò ak zòn non dwa yo, minis Pierre fè konnen yo pral enstalè yon seri de mega sant vòt pou moun nan katye popilè yo ka al vote an tout sekirite menm jan yo te fè sa pou Site Solèy nan eleksyon 2006 yo. KEP a deja rekrite anviwon 477 pèsonèl ki pral travay nan biwo vòt yo. Sepandan, nan sa ki gen awè ak kantite lajan eleksyon sa yo ap koute, si Ayiti toujou konte sou zanmi entènasyonal li yo pou finanse pwojè eleksyon ak referandòm nan, jiska prezan li poko jwenn yon goud Lesko nan men kominote entènasyonal la. Eske referandòm nan ki fiske pou mwa jen pwochen an ap rive fèt malgre kòm gouvènman an poko kont? Oubyen, eske ane 2021 an ap yo ane elektoral jan kominite entènasyonal la swete sa a pou premye nasyon Afriken an nan Karayib la.

Yon Jèn Ayisyèn Asasine o Kanada

Yon jèn ayisyèn touve lanmò li nan Laval, Okebèk peyi Kanada, sa ki ta sanble yon zak asasinay Marly Edouard, 32 zan mouri asasine nan Kanada dimanch 21 fevriye 2021 an. Marley resevwa yon bal nan tèt ki ta sanble ak yon egzekisyon. Yon vwazen dekouvri Kadav Marly nan yon stasyon nan katye Laval tou pre apatman li an kote li te abite a.

Pandan fen mwa janvye a, Marly te pote plent kont yon ansyen zanmi nouvo konjwen li ki tap fèl menas de mò. Marly te rele lapolis e 2 ajan te depeche pou vin pran depozisyon l. Nouvèl yo fè kwè Marly te pè pou ansyen zanmi konjwen li an pat peye yon tiyè agaj pou detui lavil. Marly byen koni ann Ayiti kòm yon animatris radyo. Li te travay nan  Planèt Kreyòl, Radio Soleil ak RFM. Marly Edourad te rezide O Kanada nan ane 2016 yo. 

Tager Woods, Gwo Jwè Golf Ameriken, Ospitalize Apre yon Aksidan Machin

Tiger Woods, gwo jwè golf ameriken blese grav nan yon aksidan machin nan yon katye nan Los Angeles, madi maten 23 fevriye a vè 7: 30. Tiger Woods ap pran swen sou kabann lopital apre yon terib aksidan machin. Machin gwo jwè golf la tap kondui chavire. Lapols poko bay deaty sou kisa ki ta koz aksidan sa a. Sekouris yo  itilize manèv konplike pou retire Tiger Woods nan machin li tap kondui a. Gwo jwè golf ameriken an, Tager Woods, te pou kont li lè lif è aksidan an.

Ayiti: 2 Jounalis Pran Bal; Nouvèl yo Fè Kwè Se Sòlda Lame Dayiti (FAD’H) Ki Tire sou yo

2 Jounalis soti blese pandan yo tap kouvri manifestasyon sou Chann Mas jounen lendi 8 fevriye 2021 an. Youn nan jounalis yo twouve l nan yon ete kritik dapre youn nan sous ki rapòte menn nouvèl la. Dapre sou Miami Herald se sòlda lame Dayiti ki ta tire sou jounalis yo. Lame Dayiti ki rekonstri sou rejim PHTK a, te soti yon nòt pou laprès nan kòmansman jounen lendi pou di ke yo pran responsabilite pou asire sekire ak defann demokrasi nan peyi a.

Pita nan jounen an, nouvèl ki soti nan Ayiti fè kwè sòlda lame Dayiti tire sou 2 jounalis pandan yo tap kouvri yon manifestasyon anti-gouvènman Jouthe/Moise sou Chann Mas nan Pòtoprens. 2 jounalis viktim yo ap travay pou medya an liy, AL TV e TELE PAM dapre menm sous la ki pa revele non yo.

Ayiti-Politik: “L’Affaire de Petit Bois” ou “Konblo nan Ti-Bwa”

Yon tantativ pou retire prezidan Jovenel Moise sou pouvwa a ann Ayiti nan lannuit 6 pou rive 7 fevriye 2021 debouche sou arestasyon anviwon 23 moun nan Pòtoprens nan Ti-bwa, yon lokalite nan komin Taba. Na yon koferans pou laprès, ledi 8 fevrye a, minis jistis ayisyen an, di pami moun yo arete yo gen yon jis pi gwo tribinal peyi a ak yon enpektè jeneral Polis nasyonal la. Plan mesye dam yo dapre minis jistis la, se arete prezidan Jovenel Moise epi enstale yon gouvènman pwovizwa nan peyi a. Jij la te gentan prepare diskou sikonstans li pou l te adrese l a nasyon an apre kou a.

Prezidan Jovenel Moise, bò kote pal, di kou a se te pou asasine l. Men gras ak zanj gadyen l, kou a echwe. Prezidan Jovenel Moise ke opozisyon mande kite pouvwa a rejte lide ke li vle enstale yon diktati nan peyi a. Ayiti ap fè fas ak yon sitiyasyon ekonomik e sekirete grav ke anpil obsèvatè konsidere tankou yon lanfè. Sak asasinay ak kidnaping vin ogmante sou mizè polilasyon kap mnote yon masuife pa depi apre tranblemandtè 12 janvye 2010 la.

E Prezidan Jovenel gen yon lane depi la ditije peyi a pa dekrè. Opozisyon politk la rejte tout chita pale ak pouvwa li a pou rezoud kriz la malgre yon nouvo konsèy elektoral pwomèt dewoulman eleksyon yo an septanm pwochen. Opozyon an kwè enstalasyon konsèy powvizwa sa a san prete sèman ak lide reverandòm konstisyon an se yon manèv lidè PHTK a Prezidan Jovenel Moise ap fè pou kenbe pouvwa a nèt ale.

Nan yon pwen de près, Stephane Dujarric, ki se pòt pawòl sekretè jeneral nasyon zini an António Guterres di yo resevwa rapò e yo okouran ke lapolis an Ayiti (PNH) ap mennen entèwoje 23 moun yo arete ke yo akize ki ta pral ranvèse gouvènman Jovenel Moise la. “Nap tann e nou nou enterese pou wè rezilta ankèt la,” li ajoute. Nasyon zini pwomèt 20 milyon dola pou reyalizasyon eleskyon yo ann Ayiti. Yon lòt kote, OEA ak Etazini manifeste soutyen yo pou gouvèneman an plas la fè tout eleksyon ki nesesè yo e pou tranzisyon prezidansyèl 7 fevriye 2022.

Blog at WordPress.com.

Up ↑

%d bloggers like this: