Premye Minis Claude Joseph Di l’ONU Ayiti Bezwen $ 17 Milyon pou Kòb li Kont pou Eleksyon yo

Premye minis pwovizwa Ayiti a, Dr. Claude Joseph ki te pran lapawòl devan Nasyon Zini di pa gen twòp sousi pou eleksyon yo dewoule ann Ayiti kòm sa dwa. Se sèlman kèk ti pwoblèm lojisitk gouvènman anplas genyen nan sans sa a. PM ai Joseph di Ayiti bezwen yon ti kontribisyon 17 milyon dola ameken pou fè kòb li kont. e li lonje men bay zanmi entènasyonal yo pou fè yon ti jès senbolik. Nasyon Zini di si se konsa KEP a deja jwenn sa lap chache a kòm resous pou l fè eleksyon yo.

Premye minis pou ti bout tan an, Claude Joseph, ajoute pou l di manm Konsèy Nasyon Zini yo, “Nou wè tankou manda m nan ki renouvle a se yon prèv ki montre ke Prezidan Jovenel Moise gen bòn volote pou l fòme yon gouvènman enklizif.” Li fini pou l di, “Rejim tranzisyon yo toujou fasilite koripsyon nan peyi Dayiti.”

Ayiti-Ensekirite: Polisye CIMO, Limage Gasley, Tonbe Anba Bal Bandi Delmas 6

Ajan 1, Limage Gasley, 29èm pwomosyon Polis Nasyonal Dayiti, PNH tobe anba bal bandi ame nan Delmas 6 jedi 17 jen 2021 an. Dapre nouvèl yo, se gwoup gang ame G9 Fanmi e alye ki ta tire sou yon Patwouy CIMO nan Delmas 6, yon zòn ki ta sou kontwòl ansyen polisye ki gen ti non jwèt Babekyou (Jimmy Cherisier),.

Sa fè an total 9 polisye bandi ame asasine nan Pòtoprens nan mwens ke 3 semèn nan kad atak bandi fè sou plizyè pòs polis. Plizyè polisye ki tap pale sou yon radyo nan kapital la apre ensidan eksprime fitrasyon devan enpuisans enstitisyon polis la devan bandi yo. Yo pwomèt pou reponn bandi yo pou zak lach sa a yo komèt sou konfrè yo, Limage Gasley.

Pwen Kap Domine Aktyalite a ann Ayiti pou Jedi 17 Jen 2021 an

1-Otorite polisyè yo di yo libere 3 sitwayen bandi te kidnape depi 6 jen pase a. Operasyon sa rive fèt gras ak brigad entèvansyon DCPJ ak komisarya Akayè a. Sepandan enjenyè Dave Augustin bandi te kidnape depi 3 semèn jwenn liberasyon apre fanmi l peyi ravisè yon gwo sòm lajan.

2-Plizyè Machann Enstale Bizniz yo devan Baz Cimo nan Delmas 2 akoz Ensekirite ak batay gang ame anba lavil la nan Pòtoprens.

3-Konfli ant gang kontinye fòse abitan nan Matisan abandone kay yo. Kantite moun ki refije nan Sant Spotif kafou ap ogmante chaj jou akoz konfli ame gang nan zòn lakay yo nan Matisan.

4- Ayiti-Sekirite: Lapolis prezante plizyè endividi li arete kòm manm yon gwoup gang kap opere nan komin Kwadèboukè.

5- Kowonaviris la Kontinye fè viktim nan popilasyon ayisyèn nan. Li pote ale nan peyi san chapo, ansyen lidè politk, jounalis e men prèt katolik e latriye.

6-Opozisyon Politik la di lap sipòte mach Diaspora a Devan Nasyon Zini nan New York vandredi 18 jen 2021 an sou Kriz Politik la ann Ayiti.

7- Otorite Lajistis yo Enstaleyon Komisyon pou lite Kont Detansyon Preventive Pwolonje an Ayiti.

Plis detay apre poz la.

——————————————————————————————————————————–

1-Ayiti- Sekirite: Lapolis libere 3 otaj bandi te kidnape depi 6 jen pase a. Operasyon pou libere otaj yo rive fèt madi 15 jen an gras ak yon operasyon miskle plizyè inite espesyalize nan biwo ankèt polis nasyonal la, DCPJ ak polisye nan komisarya Akayè a, toupre Titanyen kote malfra yo te kache viktim yo. Kettly Desulmé, Marie Jésula Macena, Diverson Saint-Fleur se 3 viktim yo nèg ame te kidnape nan komin Akayè ant 6 ak 8 jen pase a. Viktim yo retounen al jwenn fanmi yo sen- e-sof dapre otorite polisyè yo. Lapolis prezante nan laprès plizyè endividi yo akize ki tap komèt vòl ak men ame sou popilasyon an nan Kwadèboukè.

Sepandan yon sitwayen bandi te kidnale lakay li nan Delmas jwen liberasyon l apre fanmi l te bay yon gwo sòm lajan kòm ranson. Enjenyè Dave Augustin pase anviwon 3 semèn nan men ravisè yo avan l te jwenn liberasyon sou ranson.

2- Ayiti-Ensekirite toujou, Bandi ame kontinye twoke kòn yo nan plizyè katye popilè nan kapital la. Nouvèl yo fè kwè ta gen plizyè viktim nan kan popilasyon sivil la kote se bèt kap manje kadav moun ki tonbe anba bal malfra yo. Jis nan moman nap pale la, bal kontinye ap chante ant gwoup gang sou Bel air, Lasalin, Site Solèy ak Matisan.

Nouvèl yo fè kwè plizyè inite espesyalise lapolis tap eseye reprann kontwòl anba lavil la pandan jounen 17 jen 2021 an. Pandastan, plizyè ti machann kap kouri pou bri ba anba lavil la vin enstale yo devan lokal CIMO a nan Delmas 2 pou wè si yo ta fè yon ti lavant an tout sekirite. Semèn pase a. gwoup gang krache dife te pran kontwòl sou komisarya Sen Joseph la ki nan mitan mache kwabosal la. Oganizasyon dwa zimen RNDDH rapòte omwen 9 polisye pèdi lavi yon nan moman yon gwoup gang te atake baz lapolis nan antre nò kapital la. Otorite polisyè yo toutfwa fè konnen yo repran kontwòl komisarya Sen Joseph la ak lòt baz bandi yo te atake pandan weeken pase a.

Yon lòt kote, kantite moun ki pran refij yo nan sant Espòtif Kafou a kontinye ogmante. Moun kapab remake prezans fanm ak tibebe ak timoun piti ki oblije abandone kay yo nan Matisan pou yo fason pou yo pa viktim anba men 2 kan bandi kap goumen ak gwo zan fanfwa nan men yo.

3- Nan moman peyi Dayiti ap fè fas ak yon vag ensekirite ak yon kriz politik san parèy, kowonaviris bò kote pal ap fè pale de li kote li deja pote ale plizyè sitwayen byen koni nan sosyete ayisyèn nan. Pami viktim yo gen madanm ansyne sekerete deta Kominikasyon rejim PHTK a,Eddy Jackson Alexis. Jounalis Esther Dorestal Alexis ki pèdi lavil anba maladi kowonaviris la. Viktim nan kite 2 timoun ak mari li ansyen sekrete deta kominikasyon Eddy Jacson Alexis. Medya Pa’w Voye kondoleyans bay fanmi viktim nan.

4-Legliz katolik an dèy tou kote kowonaviris pote ale kèk lidè l tankou Père Guy Chrispin curé paroisse Notre-Dame du Rosaire nan Croix-des- Bouquets ki mouri anba konplikasyon maladi kowonavirs la jeudi ki te 10 jen 2021 an. Se mèkredi 16 jen yo chante antèman Mgr. Ducange Sylvain nan Saint Pierre de Pétion-Ville, yon lòt viktim kwonavirs la ann Ayiti. Otorite legliz katolik yo mande relijye yo pou yo pran anpil prekosyon pandan yap respekte mezi distansyasyon sosyal yo pou evite pwopagasyon kowonaviris la.

5-Lòt nouvèl, otorite Lajisitis yo Enstalasyon yon Komisyon pou lite Kont Detansyon Preventive Pwolonje an Ayiti.

Minis jistis la, Me Rockfeller Vincent enstale yon komite pilòt ki la pou fè suivi nan kad yon plan estratejik pou rive redui kantine moun kap manje prizon san yo pa jann rive wè yon jij. . Anpil nan moun sa yo se moun ki komè ti deli men lajistis ayisyèn bliye yo nan prizon. Komite sa a gen ladann, Me Levelt Milord, direktè Afè jidisyè ministè lajisits ak Me Waly Merisier, konseye kabinè Minis Jisits la. Misnis Vincent la anonse tou kèk lòt aksyon gouvènman an ap pran pou anpeche pwopagasyon kovid 19 la nan sant karseral yo ann Ayiti.

6- Lòt nouvèl toujou konsènan Ayiti. Youn gwoup militan nan dyaspora ayisyèn nan Ozetazini ap òganize yon mach nan New York devan lokal Nasyon zini an vandredi 18 jen 2021 sou kriz aysiyèn. Mèt Andre Michel, manm opozisyon radikal la ann Ayiti di li anfavè mach sa a pou atire atansyon Nasyon zini sou kriz politik la ann Ayiti. Nap raple, 18 me pase nan okasyon fèt drapo Ayiti a, yon gwoup ayisiiyen te manifeste devan Kongrè ameriken an nan Washington DC kote yo tap mande adminstrasyon Biden/Harris sispann sipòte rejim PHTK ann Ayiti. Opozisyon politik la ki refise tout chita pale ak Prezidan Jovenel Moise sou pouvwa a di manda li fini depi 7 fevriey 2021. Sepandan, prezidan Jovenel Moise di li eli pou 5 kan e ke mandal ap pran fen 7 fevriye 2022 apre eleksyon.

Zanmi entènot Medya Pa’w yo, se la nou pete yon fen nan nouvèl kap domine aktyalie ann Ayiti pou jedi 17 jen 2021. Nap vin ak plis enfòmasyon pou ou nan yon lòt bilten sou menm rezo sa a Medya Pa’w, Facebook, Youtube, Twitter ak Instagram. Pandan nan di bonswa, nou envite siscribe ak chanel nou an konsa o pap jann rate nouvèl nou yo. Kenbe fèm. Ke BonDye beni w!

PM Claude Joseph Jwenn yon Lòt Manda 30 Jou pou l Kontinye Mennen Bak Gouvènman PHTK a

Prezidan Jovenel Moise, renouvle manda Premye minis ai rejim PHTK li a Claude Joseph pou yo lòt 30 jou. Premye minis Claude Joseph ki se alafwa minis afè etranjè Ayiti a okipe pòs premye minis sa a pou yon 3èm mwa apre Joseph Jouthe te bay demisyon l. Premye minis demisyone Joseph Jouthe te deklare magre efò gouvènman lap dirije a, yo pa rive rezoud pwoblèm ensekirite kap kontinye ravanje sosyete ayisyèn nan.

Joseph Jouthe se sèl manm gouvènman an ki te remèt demisyon l. Prezidan Jovenel Moise te espere nouvo premeye minis ia a tap pral dirieje Primati a pou yon ti bout tan pandan li menm ap eseye lonje men l bay opozisyon politik la yon fason pou yo ta jwenn yon akò nan yon chita pale epi fòme yon kouvènman tèt ansanm avan pou yo òganize eleksyon nan peyi a.

Negosasyon sa yo pat rive abouti ak anyen magre prezans yon delegasyon OEA, Oganizasyon Eta Ameriken yo ki te vin eseye jwe wòl abit nan kriz politik ayisyèn nan. Opozisyon an bò kote pal di li pap chita ak prezidan Jovenel Moise sou pouvwa a paske manda lidè PHTK a fini depi 7 fevriye 2021. Prezidan Moise malgre li anfavè yon antant politik pou retire peyi nan kriz la di manda 5 kan li an pa negosyab.

Mesye Moise konte remèt pouvwa a bay yo lòt prezidan eli apre eleksyon 7 fevriye 2022. Sepandan kesyon anpil moun ap poze se èske eleksyon sa yo ap rive fèt akoz klima ensekirite a kap ravaje popilasyon an konte gang ame fin pran kontwòl pifò katye nan peyi a. Lapolis, sèl enstitisyon ame ki la pou bay sekirite parèt anpil fwa enplisan e menm tounen viktim bandi yo menm jan ak rès popilasyon an.

Ayiti: KEP a Mete Referandòm ak Eleksyon yo Okondisyonèl Akoz Kovid-19 la

Konsèy Elektoral Pwovizwa a soti yon nòt pou laprès kote li enfòme piblik la ke dat pou referandòm ak pwochen eleksyon yo kapab chanje kidonk rekile akoz kowonaviris la ki retounen ak fòs nan peyi a. Nan nòt la KEP a di lap pran yon desizyon final apre konsiltasyon ant tout otorite konsène yo.

Sepandan li pa mansyone kesyon sekirite a kote nan zòn Matisan, Site Solèy ak Bel Air, e Delmas 2 e 6 kote batay eklate ant diferan gwoup gang ame ki fòse popilasyon yo abandone rezidans yo pandan gouvènman an pwolonje etadijans sanitè yo pou yon lòt 15 jou. Ki kote moun sa yo ap abrite yo pou yo pa trape Kovid-19 la?

Batay an Gang Rival Lage Plizyè Abitan Matisan nan Lari

Plizyè rezidan nan katye Mantisan, antre Sid kapital la Pòtoprens, lage nan lari san zabri. Abitan sa yo, fi ti moun, gason ak gran moun, oblije kouri kite zòn yo nan moman 2 gwoup gang, Ti Bois ak the Grand Ravine ap twoke kòn yo, tire gwo kout zan antre yo. Plizyè moun deja viktim. Yon chèf gang Ti Bois nan yon Whatsapp video konfime li touye plizyè moun nan lòt kan kap goumen ak li a.

Digicel anonse plizyè entalasyon telefonik li domaje akoz batay ant gwoup gang yo. Li mande kliyan li yo nan Sid peyi pran yon ti pasyans. Lè bagay yo frèt, yap repare liy yo. An men tan tou Kovid 19 kontinye ap fè ravaj nan mitan popilasyon yo vin mete ak zam kap chante ki fòse moun ki pi nan bezwen yo pa ka rete lakay yo. Kilès kap jwe abit nan mitan de kan yo? Yon repons anpil moun ta renmen konnen.

Otorite ki responsab sekirite yo poko di ki estrateji yo genyen pou garanti lapè nan peyi a pandan gouvènmn an plas la ap mande pèp la pare pou al vote nan referandòm ak eleksyon pwochen yo.

Ayiti: Apèl pou Abandone Referandòm nan Pa Sanble Fè Pouvwa Egzekitif la Ni Cho Ni Frèt

Gouvènman ayisyen an pa sanble vle abandone pwojè referandòn li a malgre plizyè òganizasyon politik lokal ak lidè nan sosyete sivil la e latriye pa panse moman an pwopis pou Ayiti òganize eleksyon ak referandòm. Pwoblèm ensekirite, kidnapin ak krikz politik la se prensisipal rezon ki fè pliyzè sektè pa kwè eleksyon posib an ann Ayiti. Tankou Legliz katolik ki kwè yon antant politik nesesè avan pou leta ta konvoke pèp la pou l al vote pou di si wi ou non li vle yon nouvo konstitisyon.

Yon lòt kote, gen opozisyon politik la ki rejte kategorikman tout chita pale ak pouvwa egzekitif la. Li deklare manda prezidan Jovenel Moise fini depi 7 fevriye 2021. Opozisyon akize pouvwa a dèske li nan konivans ak gwoup gang yo kap kidnape epi teworize popilasyon an. Batay ak gang rival kontinye fòse popilasyon nan katye popilè yo kite zòn yo. Jiskaprezan, antre Sid peyi a bloke akoz lese frape ant diferan gwoup gang nan zòn Matisan kap twoke kòn yo. Lapolis rete bèbè devan lese frape sa yo. Opozisyon politik la di popilasyon ayisyèn nan anba twòp twomatism ensekrite. Li pa dispoze al vote nan yon klima konsa.

Kèk lidè politik byen koni ak jiris menase pou yo bòykote referandòm nan. Prezidan Sena a, Joseph Lambert bay gouvènman an yon pinga pou l pa mete okenn biwo vòt nan Sid peyi a sinon lap kraze yo. Mèt Danton Leger, yon ansyen komisè gouvènman, nan yon rankont politik kont referandòm nan, te distribye plizyè manchèt bay patiizan li yo nan kad menas pou bòykote referandòm nan. Minis Jistis ayisyen Rockfeller Vincent pase yon move moman nan Jacmel pandan wikenn nan moman kòtèj li te kwaze ak yon gwoup militan anti-referandòm. Militan yo panse minis la te nan on misyon kapay referandòm nan Jacmel, yon enfòmasyon kabinè minis la demanti.

Pandanstan, gouvènman an kontinye ap fè kanpay atravè peyi a e aletretranje pou mande pèp la al vote nan referandòm nan. , Konsèy Elektoral Pwovizwa, KEP a di machin elektoral la an branl e li pap fè bak. Lap avanse san gad dèyè pou referandòm nan 27 jen 2021 kap vini la e eleksyon yo pou pi devan. Isit Ozetazini, atravè misyon diplomatik yo gouvènman ayisyen lanse kanpay pou sansibilize dyaspora ayisyen an sou koze refrandòm nan. An menm tan tou, gen mobilizasyon nan dyaspora a kont referandòm nan ann Ayiti.

Administrasyon Biden-Harris la Kenbe Pwomès Li Te Fè Kominote Ayisyèn nan

Jan l te anonse sa a pandan kanpay elektoral la, Prezidan Joe Biden sonje e epi kenbe pwomès li te fè kominote ayisyèn nan. Nan dat 21 me 2021 Depatman Sekirite Teritoryal DHS anonse pwolonjman TPS Stati Pwoteksyon Tanporè a pou tout sitwatyen ayisyen ki twouve yo sou teritwa ameriken an e ki kalifye pou sa pou yon peryòd 18 mwa. Etazini di li rekonèt sitiyasyon pa bon ann Ayiti pou sitwayen ki ta vle retounen nan peyi a ta kapab fè sa a san kè sonte.

Kontrèman ak ansyen lidè ameriken an Donald Trump ki te mete fen nan TPS la pou ayisyen yo e pandan yon reyinyon nan Lamezon Blanch te trete Ayiti tankou yon peyi twou latrin, nouvo lidè ameriken Joe Biden renouvle angajman l pou pote asistans nesesè bay kominote ayisyèn nan. Nouvèl adminstrasyon amerikèn nan rekonèt kontribisyon ayisyen-ameriken yo nan sosyete amerikèn nan. Nan dat 26 me 2021 an Sekretè Deta Sekirite Teritoryal la Alejandro Mayorkas vizite kominote ayisyèn nan Miami, Little Haiti. Nan yon mesaj sou kont Twiter, Mesye Mayorkas di, “Aaysiyen-ameriken yo pote gwo kontribye nan kominote yo e isit Etazini. Mwen fyè pou m vin pase yon titan ak yo pou selebre Fèt eritaj yo. “

Anpil moun te kòmanse gen gwo kè sote premye jou apre Prezidan Bidn te fin pran pouvwa a kote imigrasyon ameriken te kontinye depòte ayisyen san dokiman yo pa ban e pa pakèt. Yo te gen dout sou pwomès lidè demokrat la te fè pou l di sil vin prezidan lap renouvle TPS pou ayisyen yo. Administrasyon Demokrat la non sèlman renouvle TPS pou aysiyen yo men pwomèt amelyorasyon nan sistèm imigrasyon an jeneral Ozetazini.

Yon lòt kote gouvènman ayisyen an rejwi de desizyon aministrasyon Biden-Harris la pou renouvle TPS pou ayisyen yo. Sepandan otorite yo an Ayiti bliye se akoz sitiyasyon sosyo-politk yo vin pi mal nan premye nasyon nwa karayib la. Premye Minis ai PHTK a Claude Joseph di prezidan ayisyen an aplodi desizyon nouvèl la ki dapre li kreye plis estabilite pou ayisyen ki san dokiman yo Ozetazini.

Ayiti: Kowonaviris la Tounen ak Fòs; Otorite yo Pwolonje Eta Dijans Sanitè a pou 15 Jou

Ayiti: Sitiyasyon an parèt grav nan moman peyi ap fè fas yon 3èm vag kowonaviris. Prezidan Jovenel Moise pou rezon sa a di gouvènman an pwolonje Eta Dijans Santè a pou 15. Lopital yo an Ayiti kontinye anrejistre plis ka kowonaviris se denye tan. Plizè nan yo di yo pa gen espas ankò pou resevwa malad. Pou lapremye fwa ann Ayiti depi pandemi an te parèt, 10 moun mouri yon sèl jou ak enfeksyon viris mòtèl la. Gen plis pase 14 mil moun ki yon jwen ki enfekte e anviwon 321 pèdi lavi yo.

Prezidan Jovenel Moise nan yon adrès alanasyon anonse leta dijans sanitè a renouvle pou 15 jou e mande kolaborasyon tout moun pou rive redui pwopagasyon viris la.

Lokatè Palè Nasyonal la mande otorite yo pou ranfòse mesi yo tankou fè respete kouvrefe a atravè peyi a a pati de 10 diswa rive jiska 5 kè du maten.Prezidan Moise mansyone 2 varyan covid 19 la, bezilyen ak anglè yo li di ki prezan sou teritwa ayisyen an.Prezidan Moise di peyi a batay kont yon 3èm vag kowonaviris la.Mesye Moise lanse yon apèl a linite ant tout sektè pou rive devye pwopabasyon covid 19 la nan peyi a.

Ayiti: Referandòm Pa Posib San yon Antant Politik Dapre Konferans Episkopal Dayiti, CEH

Konferans Episkopal peyi Dayiti a CEH, lanse yon apèl bay pou pouvwa egzekitif la pou mande l renonse ak pwojè referandòm nan yon fason pou evite peyi a konnen yon avni tris. Nan yon mesaj reprezantan legliz katolik yo an Ayiti mete deyò lendi 1 jen 2021 an, yo fè konnen se desizyon ki pi saj nan moman an si otorite leta yo aksepte abandone pwojè referandòn nan. Nòt la di e nap site, ” An nou mete ansanm pou peyi pa antre nan yon lòt peryòd tris e pi mal ke sa nou konnen deja.”

Nòt sa ki pote siyati plizyè wo eta majò legliz katolik tankou gwoup evèk yo, mansyone mesaj yo te mete deyò nan okazyon fèt nwèl 2020 an ki te di, ” Si plizyè moun leve vwa yo pou mande yon nouvèl konstitiyon, e byen nou dwe chache manyè ki pi jis e ki fèt ak patisipasyon tout moun pou rive fè sa.” Evèk yo kontinye pou di, “Se pa sa nou wè kap fèt kounye a. Desizyon pou ranplase konstitisyon an pa kapab pran nan moman peyi a ap fè fas ak yon kriz politik. Sa ki pi enpòtan nan moman nan se jwenn yon konsansis pou soti peyi a nan kriz politik lap travèse a. “

Evèk yo mande tout aktè politik yo pou travay ansanm pou retire peyi a anba grip vyolans gang ame ki anpeche popilasyon viv. Li mande yo travay ansanm pou delivere peyi Dayiti e bay pèp la yon meyè avni.

Blog at WordPress.com.

Up ↑

%d bloggers like this: