Papa DGPNH, Normil Rameau Mouri Nwaye; Lapolis Lanse yon Envestigasyon

Direktè Jeneral ai Polis Nasyonal Dayiti a, Rameau Normil, konfime bay yon medya nan Pòtoprens vandredi 25 septanm 2020 pase a ke, Ribert Normil, papa li mouri nwaye e ke yo dekouvri kadav li, nan Fort Jacques 17, komin Kenskoff, nan aswè jedi 24 septanm 2020 la.

Yo te jwenn viktim nan nan yon pisin nan domisil li nan Fort Jacques 17. Lapolis konside ka a tankou yon omisid e lanse yon ankèt, dapre premye eleman enfòmasyon ajan Direksyon Santral Polis Jidisyè yo DCPJ yo ki te depeche sou sèn ensidan an.

Prezidan Jovenel Moise Envite Ameriken Nwa yo Vin Envesti ann Ayiti

Prezidn ayisyen an Jovenel Moise pwofite vizit rapè popilè ameriken Kanye West pou voye yon mesaj ankourajman bay biznis nwa ameriken yo pou vin envesti ann Ayiti.

Nan yon mesaj sou Twitter, Prezidan Jovenel Moise di, “vizit rapè popilè ameriken Kanye West se yon opòtinite pou mwen envite kominote afro-ameriken an pou patisipe plis nan divès envestisman an Ayiti. Peyi nou an se kote ideyal pou ankouraje kilti inivèsèl. Ayiti se Lafrik nan kè Amerik la.”

Prezidan Jovenel Moise te akeyi selebrite ameriken an Kanye West ki te rive ann Ayiti vandredi 25 septanm 2020 an pou yon vizit akaratè touristik nan Labadi nan Nò peyi Dayiti.

Ayiti: Malgre Efò Lapolis, Bandi Ame Kontinye Simen Dèy nan Mitan Popilasyon an

Yon Pastè ak Madanm li Pami Plizyè Viktim Bandi Ame Touye nan Pòtoprens nan fen semèn nan. Bonè nan dimanch maten 27 septanm 2020 an, Pastè Quétant Jean-Philippe ak madanm tonbe anba bal asasen andan lakay yo nan Onaville 20.

Nan kòmansman fen semèn nan, vandredi maten, bandi ame touye Joanne Laguerre, 29 an, nan lakou lakay li. Asasen yo frape te debake mande pou viktim nan elouvri kout zam sou li pandan abopòtan. Joanne Laguerre se yon biznis e pwopriyetè Pro-Maid. Jij depè Pétion-Ville, Carl Henry Destin te rive sou plas pou fè pwosè vèbal kote lite jwenn viktim tap beyen nan sal.

Yon lòt viktim anba bal asasen yo se, Evens Morancy, ansyen komisyonè polis ki se chèf yon konpayi sekirite. Sa ezitasyon asasen yo mitraye ak yon zam otomatik, pandan lite nan machin li jou ki te mèkredi 23 septanm pase a. Asasinay sa rive ri J. Romain, nan Delmas 33. otorite polis yo jwenn plizyè gwo zam tankou Galil ak M-14 sou sèn krim nan. Medya yo ann Ayiti rapòte plizyè ka kidnapin nan kapital la.

Ayiti-Politik: Nouvo KEP a Antre an Fonksyon Ofisyèlman

Madi 22 septanm, Prezidan Jovenel Moise enstale nan fonksyon yo 9 manm nouvo Konsèy Elektoral Pwovizwa a pandan yon seremoni ki te fèt nan Palè Nasyonal la, madi 22 septanm. Prezidan Jovenel Moïse pwomèt pou ekzekitif la pa entèfere nan zafè Konsèy Elektoral la.

Lokatè Palè Nasyonal la di manm konseye elektoral yo ke se nan yon kontèks patikilyèman difisil yo pran desizyon pou sèvi peyi a.

Prezidan an mande Minis Jistis la ak otorite polis yo pou garanti sekirite tout manm KEP a. Prezidan Jovenel Moise di, “Nou te chwazi demokrasi kòm mòd konduit nou an. Li gen règ li yo ak prensip ke nou tout dwe respekte. Entolerans ak kil la nan yon sèl panse vyole règleman demokratik sa yo ak prensip.”

Jovenel Moïse mande èd nan men kominote entènasyonal la pou sipòte nouvo KEP a. Dekrè ki nonmen manm KEP a ba yo manda pou òganize yon referandòm pou yo ka bay peyi a yon nouvo Konstitisyon; sepandan, pandan seremoni enstalasyon an, Prezidan Jovenel Moïse pat pale sou premye misyon sa a li te konfye KEP a.

Ayiti: Lapolis Libere 2 Moun Bandi Te Kidnape e Arete 3 Sispè

Polis Nasyonal Dayiti, PNH, sanble sou wout pou kwape bandi yo. Madi, 15 septanm 2020 an , nan Macome (Gressier), ajan PNH yo rive libere 2 otaj ke bandi ame te kidnape apre brakaj yo te fin fe sou yon kamyon machadiz nan zon Gressier.

Nan yon not sou Twiiter, Direktè Jeneral Polis la, Nromil Rameau, di pase enstriksyon fòmèl bay polis adminstrativ DCPA ak biwo ankèt DCPJ ak tout depatman yo polis yo pou renfòse dispozitif sekirite yo nan divès rejyon nan peyi a yon fason garati lòd piblik.

Nap raple pandan semèn pase, DGPNH ai PNH la nome Komsè prensipal Berson Soljou, ansyen direktè Depatmental lwès kòm nouvo direktè DCPJ. Komisè Sojour ranplase  enpektè jeneral Mario Aubergiste nan pos sila a.

Mèt Andre Michel Di Opozisyon an Pa nan Eleksyon ak Jovenel Moise

Sektè Demokratik e Popilè a voye jete fòmasyon nouvo KEP a. Mèt Andre Michel, pòtpawòl pati a ekri sou kont Twitter pou l di:

“Jovenel Moïse mete kanpe yon konsèy elektoral ak 9 Manm PHTK. Nou Voye jete Desizyon sa a. Nan bon jan mobilizasyon, Sektè Demokratik la ap kontinye kanpe bò kote pèp la pou dechouke Jovenel Moïse ak tout KEP restavèk li a anvan 7 fevriye 2021. Se nan tranzisyon peyi a prale.”

Ayiti: Prezidan Jovenel Moise Double Vitès nan Zafè Eleksyon

Prezidan Jovenel Moise nome yon nouvo Konsèy Elektoral Pwovizwa ki gen 2 misyon, premye a se fè yon referandom pou yon nouvo konstitisyon e dezyèm nan se òganize eleksyon lib pou tout pòs elekfif yo.

Arete prezidansyèl ki kreye nouvo KEP a vini kèk jou apre Anbasad Etazini te soti yon nòt pou lanse yon apèl bay gouvènman ayisyen an pou mande l fòme yon nouvo konsèy elekstoral pwovizwa ak moun ki entèg nan sosyete a yon fason pou òganize eleksyon lib nan peyi a. Nòt Anbasad Ameriken nan lanse yon pinga tou bay nenpòt sektè ki ta vle kanpe ankwa kont pwosesis elektoral la ann Ayiti.

U.S. Embassy Haiti@USEmbassyHaiti·.@StateDept Sr Official : #Ayiti bezwen fè travay li epi fòme yon nouvo @cep_haiti ak manm ki gen repitasyon entegrite, onètete ak konpetans pou òganize yon pwosesis elektoral lib epi jis. Gen konsekans pou moun ki anpeche sa fèt.

Reyaksyon:

Me. André Michel@avokapepla·Jovenel Moïse mete kanpe yon konsèy elektoral ak 9 Manm PHTK. Nou Voye jete Desizyon sa a. Nan bon jan mobilizasyon, Sektè Demokratik la ap kontinye kanpe bò kote pèp la pou dechouke Jovenel Moïse ak tout KEP restavèk li a anvan 7 fevriye 2021. Se nan tranzisyon peyi a prale.

Ayiti: Mouvman Fantom 509 la Montre PNH la Ap Travèse yo Kriz

Plizyè dizèn polisye kagoule ap simen latwoublay nan kapital ayisyèn nan, Pòtoprens depi wikenn pase a pou kontnye egzije otorite yo libere kòlèg yo, Jean Pascal Alexandre. Nouvèl yo pa di poukisa polisye Alexamdre twouve l nan prizon. Sepandan, sa ki ta kreye prezans polisye Fantom 509 yo nan lari depi semèn pase a se arestasyon yon gwoup polisye pou fot adminstrativ, apre yo te fin abandone pòs yo ki se domisil defen prezidan Bawo Pòtoprens la Monferrier Dorvil bandi te asasine nan lakou lakay li. Kay sila a ki tounen yon sèn krim te dwe sou siveyans lapolis.

Men, gwoup polisye UDMO ki te la pou siveye kay la te anabadone pòs yo, yon sitiyasyon ki tap pral ouvri wout pou vòlè vin piye kay viktim nan. An repons ak zay piyaj sa a, Enspeksyon Jeneral Polis la ak Pakè Pòtoprens te mete polisye sa yo nan prizon. E desizyon sa a ta pral revòlte Fantom 509.

Premye Mini Joseph Jouthe te bay lòd pou libere polisye sa yo sou egzijans gwoup Fantom 509 ki tap revandike liberasyon sa a nan yon sèn dezòd ak vyolans kote yo tap mache mete dife nan plizyè batiman ak otomobil gouvènman an.

Mouvman Fantom 509 la te fè premye aparisyon nan moman Sendika polisye la tap manifeste pou mande leta ayisyen pou rekonèt dwa degzistans yo lane pase. Malgre retisan sou kreyeasyon sendika andan polis la, gouvènman te finalman aksepte kreyasyon SPNH la. Malgre kryason sendika PNH la, sa pa anpeche mouvman 509 la ki tounen yon fòs presyon pou egzije responsab yo tande vwa polisye yo. Anpil moun denonse mouvman yo kwè ki pa bon pou imaj polis la.

Ayiti: Otorite yo Libere 5 Polisye Ki Te La pou Siveye Kay Defen Mèt Monferrier Dorval la

Sou kolè popilasyon an, 5 polisye Enpeksyon Jenreal Polis la, IGPNH, te mete nan prizon jwenn liberasyon yo. Yo te repwoche 5 polisye yo pou fot administrativ paske yo te kite sèn krim kote bandi te asasine pwojesè e prezidan Bawo Avoka Pòtoprens la, Monferrier Dorval.

Premye Minis Joseph Jouthe ki tap pale ak lapres fe konnen li la pou pwoteje polisye e yo pa dwe abize yo. Li ajoute, sepandan, si yo komet fot adminstrativ, IGPNH la pou pran saksyon kont yo. Arestasyon 5 polisye sa yo rive apre volè te antre nan kay defen Mèt Dorval la epi piye l. Se sou lod komisè gouveneman pwovizwa Potoprens la, Mèt Gabriel Ducarmel yo te kondui 5 polisye CIMO yo nan Penitansye Nasyonal.

Men apre anpil manifestasyon vyolan nan Potoprens kote anpil machin boule nan kad revandikasyon pou liberasyon 5 polisye, otorite yo deside libere yo.

Blog at WordPress.com.

Up ↑

%d bloggers like this: