Kongrè Ameriken an Mande yon Rapò Dankèt nan 90 Jou sou Asasina Prezidan J. Moise la

Kongrè ameriken an bay lòd pou mennen yon ankèt e fè limyè sou asasina Prezidan Jovenel Moise la. Prezidan Jovenel Moise mouri asasine nan rezidans prive l, 7 jiyè 2021 bonè nan maten lè yon gwoup mèsene kolonbyen ame antre lakay li kote yo te idantifye tèt yo kòm ajan DEA, Ajans ameriken kap konbat trafik dwòg epi krible chèf deta Ayiti ak bal. Premye dam Martine Moise te soti blese grav nan atak la.

Kongrè ameriken an vote alinanimite jedi 13 janvye 2022 a pou mande Depatman Deta mennen yon ankèt e fè limyè sou asasina brital prezidan ayisyen an, Jovenel Moise. Depatman Deta gen 3 mwa swa 90 jou kòm limit pou bay yon rapò dankèt detaye sou sikonstans ki entoure lanmò lidè ayisyen an.

Chanm depite yo te deja vote nan menm sans la kote yo mande pou verifye si te gen enjerans otorite ameriken nan ankèt la e si genyen nan sispèk yo ki te gen sipò Lèzetazini pou mennen aksyon malonèt sila a. Pandanstan, 2 sispèk kle nan asasina Prezidan Moise la twouve yo nan prizon Ozetazini, Mario Antonio Palacios, yon ansyen militè kolonbyne ak Rodolphe Jaar, yon komèsan ayisyen dorijin palestinyen; 2 sispèk yo avwe ke yo te patisipe nan konplo pou te asasine Prezidan Moise.

Si chèf 25 mèsenè yo, Mario Antonio Palacios Palacios, nan deklarasyon li fè konnen misyon yo pou arete prezidan an te vin chanje an asasina, Jaar li mennen fè kwè konplotè yo admèt ke yon te gen sipò Lèzetazini pou kapote Jovenel Moise sou pouvwa a. Jaar kise tou yon ansyen dilè dwòg ki te pran prizon Ozetazini, tap travay kòm yon espyon DEA. Misye te bay jounal New York Times yon entèvyou pandan l te nan mawon an desanm dènye 2021 an Ayiti; li di li te bay 130,000 dola nan kòb pou finanse konplo a.

Kongrè ameriken an mande pou Depatman Deta bay yon rapò sou koripsyon nan gouvènman ayisyen an, vyolasyom dwa zimen ak asasina nan katye Lasalin nan ane 2018 yo kote plizyè moun te pèdi lavi yo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: