Asasina Prezidan J. Moise la Kontinye Fè Apil Lank Koule Pandan Ankèt la Rete Lan ann Ayiti

Si ankèt sou asasina Prezidan Jovenel Moise la sanble ap mache bwate ann Ayiti, anpil lank kontinye koule nan laprès nasyonal ak entènasyonal sou krim nan. Dènye aksyon jij kap mennen ankèt sou asasina Prezidan aysiyen Jovenel Moise la ann Ayiti pran se liberasyon 4 polisye ki te na ekip inite espesyal ki te reponsab pou pwoteje chèf deta a. Sepandan li poko janm bay enstriksyon pou DCPJ kontinye mennen ankèt la onivo lapolis.

Pandanstan, Biwo Federal Envestigasyon Amerikèn, FBI, mete anba kòd yon sispèk kre nan ankèt la, yon sèten Mario Antonio Palacios, ki tap eseye retounen lakay li nan peyi Kolonbi apre l te antranzit o Panama. Palacios te nan kache depi lè li te fin patisipe nan asasine prezidan ayisyen an, Jovenel Moise. Mario Palacios admèt ke li te se youn nan konplotè; li gen pou reparèt deja yon jij Ozetazini nan fen mwa janvye 2022 a. Si yo jwenn li koupab lap pase tout vi l nan prizon.

Tou suit apre arestasyon Palacios la, otorite nan peyi Sen Domeng anonse yo mare Rodolphe Jaar, yon boujwa ayisyen ki ta gen men l tranpe too nan asasina chèf deta ayisyen an. Jaar swete Sendomeng remèt li bay otorite amerikèn yo olye yo pimpel ann Ayiti pou vin l jije. Jaar se yon ansyen dilè dwòg ki te nan prizon Ozetazini. Apre l te fin pije pèn li te retounen ann Ayiti kote li tap travay kò espyon DEA. Anpil moun konnen li kòm yon komèsan ki konn enpòte vyan konjele soti Ozetazini pou vin vann ann Ayiti.

Dapre jounal ameriken an, New York Times, Jaar fè konnen li te kontribye finasyèman nan asasina prezidan Moise la kote li te bay $130,000 ameriken. Li te loje tou mèsenè kolonbyen yo kite vin fè krim nan. Jaar site non aktyèl direktè Jeneral polis la Frantz Elbé ke li de mete okouran de zak la kote li te mande l pou l fè l jween zam pou aksyon an. Mesye Elbé pat aksepte bal zam mentou li pat fè anyen pou anpeche konplo a fèt, dapre jounnal ameriken an New Yokr Times.

Pandan anpil medya ann Ayiti ap rapòte enfòmasyon ki pibliye nan jounal New York Times la sou deklarasyon Palacios ak Jaar sou enplikasyon kèk oktorite an fonksyon ann Ayiti nan krim nan, ansyen premye minis Evans Paul ki tap reyaji sou Radio Karayib di se pou moun fè trè atansyon sou sa kap di nan laprès konsènan non moun yap site nan asasina Prezidan Jovenel Moise la. Dapre ansyen P.M. Paul, pa gen anyen ki di ke sa mèsenè yo ak sispèk ki nan men otorite yo ap di yo se laverite. E se pa paske yon jounal entènasyonal di l epi tout moun dwe aksepte l kòm verite. Mesye Paul fini pou l di, se pou nou kite lajistis fè travay li yon fason pou limyè kabap fèt sou asasina Prezidan Jovenel la.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: