Lapolis Dominikèn Arete, Rodolphe Jaar, Ayiti Ap Chache pou Enplikasyon l nan Asasina Prezidan Jovenel Moise

Rodolphe Jaar se yon gwo biznizmann ayisyen ke lajisits ann Ayiti lonje dwèt sou li kòm youn nan gwo konplotè, aksyon lannuit 6 ak 7 jiyè 2021 an kote plizyè mèsenè etranje antre nan rezidans prive Prezidan ayisyen an Jovenel Moise epi touye l anba bal. Madam prezidan an premye dam Martine Moise te soti blese grav nan atak la.

Depi lè sa a, Rodolphe Jaar, yon komèsan ayisyen, moun konnen kòm enpòtatè vyann konjele ann Ayiti, te pran lyann pou li. DCPJ kap mennen ankèt sou asasina chèf deta ayisyen an tap chache Rodolphe Jaar kou chen fou pou vin reponn kesyon otorite yo. Enfòmasyon yo ta fè kwè se lakay Jaar a ki twouve l ak kèlke blòk kay Prezdian Moise la ke mèsenè yo te loje.

Rodolphe Jaar se yon ansyen nakotrafikan ke DEA te arete dapre plizyè sous. Li te vin ap travay kòm yon enfòmatè pou sèvis antidwòg ameriken an (DEA) apre l te fin jije pèn li nan yon prizon federal Ozetazini. Otorite dominikèn yo poko di si yap rapatriye Jaar ann Ayiti pou lal reponn kesyon lajisits ayisyèn oubyen si yap remèt li bay otorite amerikèn yo ki deja genyen nan men yo Mario Antonio Palacios Palacios, yon lòt gwo sispèk nan asasina Prezidan Moise la.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: