Ayiti-Eleksyon: Minis Enteryè a Di Lap Mare “Kou Krab” Moun Ki Vle Kraze Referandòm nan

Suit apre deklarasyon Prezidan tirès Sena a, Senatè Joseph Lambert te fè sou yon radyo nan kapital ayisyèn nan Pòtoprens kote l lanse yon pinga bay egzekitf la pou l pa pran chans enstale okenn biwo vòt nan Sid peyi a nan kad referandòm konstitisyon an, ebyen Minis Enteryè rejim tèt kale a, Louis Edner Gonzague Day, ki abitye pran lapawòl nan laprès tankou yon gason kanson fè di li gen kòd nèf pou tout moun ki ta gen entansyon simen latwoublay pou anpeche pèp la vote an jen kap vini la a.

Senatè Joseph Lambert, ke yo konsidere tankou yon politisyen madre ann Ayiti e ke yo bay ti non “animal politik” te pale pou l di si yo mete yon biwo vòt pou referandòm la nan depatman Sid peyi la lap kraze l. Minis Day di prezidan sena a pa pral kraze biwo ak men pa l. Petèt li ka voye kèk patizan li al fè sa. Minis Day di li gen kòd nèf pou sabotè yo.

Mr. Lambert se yon ansyen pwòch rejim PHTK sou Prezidan Michel Martelly. Li vin ajoute sou lis polisyen pwòch ou kont tankou manm opozisyon an ak lòt ki di yo pa nan referandòm ak Jovenel Moise sou pouvwa a.

Pandan dat la ap pwoche, Konsèy Elektoral Pwovizwa a, KEP, deja anonse li resevwa plizyè lo materyèl li te kòmande aletranje pou referandòm konstitisyon an. Sepandan anpil obsèvatè pa kwè referandòm ak eleksyon posib ann Ayiti pou kounye akoz klima ensikirite a ak fenomèn kidnapin nan ki kontinye lage kwo panik nan mitan popilasyon. Lapolis, PNH, sèl enstitisyon ki la pou asire sekirite popilasyon an, parèt fèb devan aksyon bandi yo kap anji san kè sote. Yo menm touye polisye lè yo vle epi sezi kadav yo. Kominote entènasyonal la konitinye ankouraje yon dyalòg ant tout aktè politik yo ki yo chak kanpe sou pozisyon yo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

These Football Times

The home of longform football writing

Discover

A daily selection of the best content published on WordPress, collected for you by humans who love to read.

%d bloggers like this: