Ayiti: Koudeta Rate Kont Prez. Jovenel Moise, Plizyè Konplis, Polis ak Jij, Anba Kòd

Prezidan Jovenel Moise pale ak laprès jounen dimanch 7 fevriye 2021 an kote li fè nasyon an konnen ke Bondye epaye li anba yon koudeta nan lannuit 6 pou riv 7 fevriye a. Pami konplotè yo gen yon enspektè jeneral polis, Marie Louise Gauthier, prezidan kou kasasyon an, Jij Hiviquel Dabrezil, agwonòm Louis Buteau, ak yon 20 tèn lòt sitwayen. Yon odyo kap sikile sou medya sosyal revele kòman IGPNH Gauthier tap negosye ak chè sekirite inite jeneral palè nasyonal la USGPN sou planifikasyon kou a.

Opozisyon politik la reyaji pou di arestasyon jij Dabrezil la ilegal e mande liberayon tout sispèk yo imedyatman. Sepandan aktivite yo te parèt trè kalm nan kapital ayisyèn nan. Prezidan Jovenel Moise pale de koudeta rate a pandan li tapral pran avyon pou l ale nan depatman Sid nan kad lansman kanaval Jakmèl la. Rive nan vil Jakmèl Prezidan Jovenel Moise pale ak pèp la pandan yon bon bout tan sou pragam devlopman rejim li an kote li mande tou opozisyon politik la mete ak li pou badi peyi a. Li demanti lide kòmkwa lap enstale yon diktati nan peyi a.

Yo transfere konplis yo koudeta rate yo nan DCPJ kote yap reponn kesyon lapolis anba akizasypn konplo kons sirte leta a.

Si rejim PHTK a jwenn benediksyon OEA, lONU ak Lèzetazini pou l pase yon lòt ane sou pouvwa a, fè eleksyon lokal, lejislatif prezidansyèl e latriye, opozisyon an kap reklame depa Prezidan Jovenel Moise kontinye resevwa sipò kèk mann Kongrè ameriken an ki di yo tande vwa pèp aysiyen a nan sans sa a. Reprezantan eta Michigan nan Kongrè a Demokrat Andy Levin, di lap sipòte demokrasi ann Ayiti e rekonèt manda Prezidan Jovenel Moise fini 7 fevriye 2021. Kongrèsman ameriken an fè konnen Prezidan Jovenel Moise pa gen prèv sou zafè koudeta lap pale a. Se pito yon fason li fè pou mete advèsè politik li nan prizon ilegalman.

Senatè Patrick Leahy, yon lòt demokrat nan Kongrè a, fè yon diferan apwoch tou sou kriz la apre Depatman Deta fin anonse Lèzetazini pa anfavè yon tranzisyon politik ann Ayiti. Senatè Leahy di bagay yo vin pi mal ann Ayiti kote rejim PHTK a mare sosis li ak gang ame ki anpeche pèp la viv. Etazini dwe sipòte yon tranzisyon enklisiv ann Ayiti, Senatè Eta Vermont an ekri sou kont Twitter l.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

These Football Times

The home of longform football writing

Discover

A daily selection of the best content published on WordPress, collected for you by humans who love to read.

%d bloggers like this: