Ayiti: Ekolyè Tounen Sib Kidnapè ak Nèg Ame ki Kontinye Ap Bay Otorite yo Defi

Nan Montrouis, bò pòtay Latibonit. Sou twotwa a, nan mitan lòt pyeton, yon elèv lekòl segondè 16 ane, Jocelyne Julien, tonbe anba bal pandan li tap sot lekòl. Yon zòn li konn pase chak jou pou l antre lakay li. Sepandan lendi 25 janvye 2021 ta pral dènye jou Jocelyne. Jocelyne Julien tounen yon lòt viktim gratis nan konfli ant nèg ame.

Jocelyne pran yon bal nan kou ki mete fen nan lavi li imedyatman. San li toujou frèch tap koule nan kanal la. Ak yon ti riban ble nan tèt li ki rete entak, je li amwatye-fèmen, valiz lekòl li prèske bòzepòl li ak ti inifòm byen repase e byen pwòp. Se te yon lendi, premye jou lekòl semèn nan e dènye jou Jocelyne. Tout moun dlo nan je nan moman yap gade tilezanj la kap benyen nan san li. Yon lò vi ki gaspiyè sou latèbeni pou gran mèsi.

Jij depè Montrouis a, Jones Surpris, di laprès yo arete 3 sispèk, yon fanm ak 2 gason. Youn nan nèg yo se yon polisye e se misye ki ta tire ak you fizi galil nan moman li te pran nan zen ak yon gwoup chofè moto apre yon aksidan.

Nan men jounen lendi 25 janvye an, yon elèv lekòl viktim zak kidnaping nan zòn Bizoton pandan manman li tap mennen li lekòl. Ravisè yo rape elèv la nan men manman l e yo ale ak li. Nan sware menm lendi a, yo kidnape Philippe Samedi Choubert nan zòn Delmas 40 B. Viktim nan se yon biznisman ki retounenn nan peyi l apre plizyè ane li tap viv nan peyi Kanada.

Prezidan Jovenel Moise bò kote pal mande konkou tout moun nan popilasyon an pou ede otorite polis yo konbat fenomèn kidnapin nan li di li kwè gen yon men kache dèyè l. Sa pa gen lontan, Premye Minis Jouthe Joseph, nan yon rankont ak laprès sou zafè sekrite, te di “yon chèf se pa yon jwèt e ke bandi paka ap bay chèf defi.” Pandans tan, to kidnaping nan monte pi wo ke tout ane avan yo e prezidan Jovenel Moise avwe l. Otorite yo poko janm anonse yo arete yo gwo chèf gang oubyen detwi rezo kidnaping yo. Popilasyon an, lage 2 bra balan, kontinye eksprime kòlè li nan mete barik anflame ak manifeste nan lari pou denonse fenomèn kidnapin nan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

These Football Times

The home of longform football writing

Discover

A daily selection of the best content published on WordPress, collected for you by humans who love to read.

%d bloggers like this: