Plis Pase 25 Mil Gad Nasyonal Deplwaye pou Asire Sekirize Inogirasyon Prezidan Joe Biden

Anviwon 25 mil gad nasyonal delwaye nan Washington DC nan moman preparasyon ap fèt pou prestasyon sèman Prezidan eli ameriken an Joe Biden ak vis prezidan Kamala Harris nan dat 20 janvye 2021 an kap vini an. 25 mil gad nasyonal yo vin mete ak polis metwopolitèn yo, sèvis sekrè, ak fòs sekirtie Kongrè a pou asire sekirite avan e pandan inogirasyon nouvo eli prezidansyèl yo.

Se premye fwa nan listwa Etazini yo deploye tout militè sa yo nan Kapital ameriken nan. Desizyon pou ranfòse sekirite pandan inogirasyon prezidansyèl la vini apre patizan prezidan sòtan an, Donald Trump, te atake Kongrè nan dat 6 janvye 2021 pase a. Dapre rapò FBI, asayan yo te vize non sèlman kraze brize men tou pran an otaj e menm touye manm Kongrè a ki kont Prezidan Trump. Ojektif patizan Trump yo se te bloke vòt palmantè yo tap pral fè pou konfime Joe Biden ak Kamala Harris kòm kandida ki pase nan eleksyon prezidansyèl 3 novanm 2020 yo.

5 moun pèdi lavi yo pandan atak la; pami yo yon polisye ki atache nan Kongrè a. Apre atak la, anpil presyon tap fèt pou Prezidan Trump bay demisyon l anvan inogirasyon 2 lidè Demokrat yo. Vis Prezidan Mike Pence pat reponn apèl palmantè Demokrat yo pou aplike atik 25 konstitisyon an pou di Prezidan Trump pa ka kontinye dirije peyi a. Chanm depite a vote pou mete Prezidan Trump ann akizasyon pou yon dezyèl fwa kote yo akizèl dèske lap ankouraje patizan l yo fè vyolans epi lanse atak sou Kongrè a.

Jijman Prezidan Trump gen pou l fèt nan chanm Sena a lè chanm bas ameriken va voye dosye akizasyon an bay gran kò lejislatif la atravè yon pwosesis demokratik amerikèn yo rele impeachment. Jij alatèt kou siprèm nan, John G. Robert Jr. gen pou l preziden seyans jijman prezidan Trump la. Si yo jwenn Mesye Trump koupab, lalwa kapab mete entèdiksyon pou l pa janm vin kandida nan eleksyon Ozetazini.

14 janvye pase a vis prezidan Mike Pence visite gad nasyonal yo ki deploye nan zanviwon Kapital la pou ankouraje e salye travay yo ap fè pou asire pa gen derapaj nan inogirasyon nouvèl administrasyon an. Prezidan Trump pap patisipe nan inogirasyon Prezidan Joe Biden ak Kamala Harris la. Mesye Trump antre nan silans li apre li te fin kondane atak patizan l yo sou Kongrè a. Li kondane tou desisyon chanm bas Demokrat yo ak 10 Repibliken pran pou mande jij l menm apre lèl fin kite pouvwa a.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

These Football Times

The home of longform football writing

Discover WordPress

A daily selection of the best content published on WordPress, collected for you by humans who love to read.

%d bloggers like this: