Krent pou Ayiti Pa Pran yon Move Wout Politik

Newsweek, yon magazin, Ozetazini, nan dat 8 janvye 2021 pibliye yon atik nan seksyon nouvèl entènasyonal li pou di Prezidan ayisyen an, Jovenel Moise, rasanble tout pouvwa peyi a anba men li, yon konpòtman ki ta lese moun kap suiv kwè ke lokatè Palè Nasyonal la ta ap monte yon rejim bout di ou diktati nan peyi a.

Jounal la mansyone ke Prezidan Moise gen yon lane depi lap dirije peyi pa dekrè apre l te fin konstate kadisite palman an an janvye 2020 pase a. Akoz Ayiti pat rive reyalize eleksyon lejislatif yo an 2019, pat gen nouvo eli pou ranplase senatè ak depite manda yo te fini. Depi lè sa a, prezidan Jovenel Moise lage kòl nan pibliye yon bann ak yon pakèt dekrè.

Menm Lèzetazini kritike l pou 2 dènye nan 44 dekrè l yo. Yon bagay yo pa fè fasil. Youn nan 2 dekrè sa yo, se etablisman yon sèvis entèlijans pou ki la pou pote rapò dirèkteman bay prezidan an. 2yèm dekrè a redefini sanksyon pou yon krim komen ou yon enfraksyon yo endividi ta komèt tankou zak piyaj, vòlò, ak kraze brize. Dekrè a defini krim sa yo tankou zak teworis. Yon moun ki koupab ka pran jiska 50 tan prizon. Dapre atik la, kritik yo fè kwè rejim PHTK a ta vize opozan politik li yo nan dekrè sa yo.

Sepandan prezian Jovenel Moise nan entèvansyon li nan laprès fè konnen Ayiti se sèl peyi ki pa gen yon sèvis entèlijans. Lidè PHTK a defann tou politik dirije pa dekrè li a kote li fè kwè se palman an ki te refize vote nouvo bidjè ak lwa sou kònsèy elektoral pwovizwa a ki fè eleksyon pat rive fèt atan. Pou kounye a, ajandan gouvènman an santre l sou refòm konstisyon peyi a, ak òkanizasyon eleksyon anvan fen manda prezidan Jovenel Moise ki di li prè pou l pase mayèt la bay yon lòt eli 7 fevriye 2022.

Bò kote pal, opozisyon an manda lidè PHTK a kite pouvwa 7 fevriye 2021. Yo anonse yon seri manifestasyon kont rejim nan, nan jou kap vini yo. Prezidan Jovenel Moise ki tap reponn kesyon nan yon emisyon radyo denonse yon ti gwoup moun swa “boujwa” li di ki vle kenbe richès peyi a nan men yo, e se ti gwoup sa ki ta dèyè mannèv kap fèt pou kapote l sou pouvwa a.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

These Football Times

The home of longform football writing

Discover

A daily selection of the best content published on WordPress, collected for you by humans who love to read.

%d bloggers like this: