Ann Ayiti, lapolis mete anba kòd yon ansyen militè ki reklame tèt li kòm revolisyonè kont pouvwa an plas la. Delius Joseph, yon ansyn sou lyetnan nan ansyen lame Dayiti a jwenn arestasyon l ak 7 lòt akolit li nan Kwadèboukè, zòn Kanaran samdi 2 janvye 2021 an.
Plizyè inite polis nasyonal la ak nouvo lame Dayiti te mete ansam pou al deloje yon gwoup nèg ame ki te gen alatèt yo Delius Joseph, yon sitwayen ameriken dorijin ayisyen. Moun te ka wè nan yon video ki tap sikile sou medya sosyal kote ansyen sou lyetnan FADH la kap pale ak jounalis kote li pwomèt lame revolisyonè a pral chanje Ayiti e dechouke Jovenel Moise sou pouvwa a.
Otorite polisyè yo di yo sezi 4 zam. Pami yo, yon pistolè 9 milimèt ki se pwopriyete polis nasyonal, zam ke polisye te pèdi nan zòm Mòn Kabrit apre yon gwoup nè ame te fè dappiyanp sou yo. 3 nan asayan ki te ak Derius Joseph yo pèdi lavi yo pandan entèvansyon lapolis la. Otorite yo di yap chache plisyè lòt endividi ki asosye ak mouvman Delius Joseph la.
MEDYA PA'W - Aktyalite 