Ayiti: Nouvèl Politik, Sekirite e Sosyal

Prezidan Jovenel Moise Denonse yon Ti Gwoup Ki Kontinye Enpeche Peyi a Mache, Menm Apre 217 Tan Batay Vètyè a

Seremoni ofisyèl fèt Batay Vètyè a, 18 novanm 2020 an dewoule nan Pòtoprens to pre palè prezidansyèl la sou Chann Mas. Prezidan Jovenel Moise depoze yon jèb flè nan pye estati Jean Jacques Dessalines, papa fontatè nasyon ayisyèn nan. 18 novanm nan raple batay Vètyè ant lame endijèn, eskalv nwa yo ak twoup kolon fransè yo. Se batay sa ki te vin akouche endepandans Ayiti premye janvye 1804 kòm premye peyi nèg nwa ki goumen e ki pote laviktwa kont lesklavaj.

Nan diskou sikonstans l, Prezidan Jovenel Moise pwofite denonse yon ti gwoup moun ann Ayiti li di ki kanpe an kwa pou peyi a pa pran wout devlopman tout bon vre a. Prezidan an bay ezanp batay lap mennen pou mete kouran nan tout peyi a, yon projè ki te dwe demare tou suit apre li te monte sou pouvwa. Men dapre prezidan an gen yon to gwoup nan sektè privè a ki vle poze lapat sou tout richès peyi a pou yo sèlman. Prezidan Moise di se tankou se dife lap travèse lè pou l defann enterè pèp a fas ak ti gwoup moun s yo.

opozisyon politik la manifesten nan Pòtoprens ak nan plizyè vil pwovens

Panstanstan, opozisyon politik la manifesten nan Pòtoprens ak nan plizyè vil pwovens 18 novan 2020 an. Lapolis gaye manifestasyon yon branch opozisyon nan zòn Dèlma. Yon lòt branch ki te gen nan tèt lidè Pitit Desalin nan te fini devan Anbasad Ameriken an sou wout Taba san okenn ensidan.

Leon Charles nome nouvo direktè Polis Nasyonal la

Yon lòt konte, Leon Charles nome nouvo direktè Polis Nasyonal la. Ansyen e nouvo Direktè Jeneral la se yon militè e yon diplomat de karyè. Li se yon ansyen manm lame Dayiti, e li te dirije Polis Maritim nan pandan yon bon bout tan avan li te fin chèf polis la an 2004 apre depa Prezidan Jean Bertrand Arisitid ki te pèdi kontwòl peyi a fas ak yon gwoup rebèl ame. DG Leon Charles te nome Anabasadè Ayiti nan OEA an 2005, pòs li te okipe jiskaske li retounen nan tèt polis la pou yon ezyèm fwa.

Nouvo direktè PNH la pwomèt rezilta nan domèn sekirite a nan peyi a pandan fen dane 2020 an. Premye Minis Jouthe Joseph pandan seremoni entalasyon DG Leon Charles di li espere ke sitwayen yo pran l ka rale yon souf anba fenomèn ensekirite ak kid napin nan kap vale teren nan peyi a. Mesye Leon charels di li konte sou kolaborasyon kòlèg polisye yo pou li mennen batay sila a. Nouvo DGPNH la di chay la lou men li pa enposib pou l pote l. Leon Charels ranplase Normil Rameau nan tèt ensititisyon polissyè a. Seremoni pasasyon kòmandeman te dewoule nan Akademi Polis la sou wout Frè nan Petyon Vil 17 novanm 2020.

3 nouvo ka COVID-19 konfime

3 nouvo ka COVID-19 ki konfime nan dat 17 novanm 2020 an nan peyi Dayiti. Sa ki bay yon total 9, 211 ka konfime, 232 moun mouri ak 7, 854 moun trete.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

These Football Times

The home of longform football writing

Discover

A daily selection of the best content published on WordPress, collected for you by humans who love to read.

%d bloggers like this: