Kout Zam ant Band Ame nan Site Solèy Lakoz Lamò yon Bebe 8 Mwa

Foto sa ki soti nan yon video kap sikile sou medya sosyal montre manman fiyèt 8 mwa kap kriye ap kadav pitit li a sou bwa li.

Abitan nan site Solèy dlo nan je apre bandi ame touye yon fiyèt 8 mwa dimanch 12 jiyè 2020 pase a. Meridina Fleurimont pèdi lavi anba yon bal mawon li pran nan tèt devan je manman l ak papa l. Nouvèl yo fè kwè ke chèf gang Iscar ta responsab lanmò bebe a. Dapre manman viktim nan Lenèse Léo, se nèg Iscar yo ki kache a zam manch long nan men yo ak longvi ki tire pitit li a. Li rann gouvènamn Jouthe/Moise la responsab lanmò pitit fi li a.

Nouvèl yo rapòt lanmò plizyè lòt sitwayen nan Site Solèy depi lè konfli sa a eklate ant bandi ki fè pati yon gwoup nèg ame ki regwoupe yo ansam e ki rele tèt yo G9 ak Alye ak yon lòt gwoup opozan. Iscar ki kòmande zòn Site Solèy la e ki fè pati G9 la ta ap batay ak yon lòt chèf gang Brooklyn, Gabriel, ki pa nan gwoup la. Klamè piblik ann Ayiti rann plizyè gang ame sa yo responsab fenomèn kidnaping ak asasinay nan peyi a.

Jij de pè ak lapolis pa ka rive nan zòn nan pou al fè konta akoz kout zam kap tire tout jounen. Lidè dwa zimen (RNDDH), Pierre Espérance, deplore lanmò fiyèt 8 mwa a, e denonse pouvwa a li di ki nan konivans ak bandi yo. Mr. Esperence mande lapolis pou aji vit pou retabli lapè nan Site Solèy.

Nan kòmansman mwa jiyè a, plizyè gwoup ame de fè yon defile nan kapital la. Pòtoprens, ak gwo zam nan men yo kote te anonse yo fè lapè e pwomèt yo pap goumen antre yo ankò, abandone e denonse move aksyon tankou kidnaping ak asasinay.

Lapolis poko reyaji sou asasinay fiyèt 8 mwa anan site Solèy. Peyi Dayiti gen plis pase 100 gwoup gang ame dapre yon deklarasyon chèf polis la Normil Rameau te fè pandan fèt PNH la mwa pase a. E anpil obsèvatè kwè komisyon dezameman ak reyensèsyon pouvwa Jouthe/Moise te kreye a poko bay rezilta popilasyon espere a.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

These Football Times

The home of longform football writing

Discover

A daily selection of the best content published on WordPress, collected for you by humans who love to read.

%d bloggers like this: