Prezidan Jovenel Moise Swete Bòn Fèt ak Lapolis Kap Fete 25 Kan

Nan yon nòt li mete sou kont Twitter li, Prezidan ayisyen an, Jovenel Moise Ekri pou l di:

“12 jen 1995- 12 jen 2020 sa fè Polis Nasyonal nou an 25 lane depi kel egziste. 25 lane depi yon ekip jenn gason ak jenn fanm ap goumen pou yo fè yon travay ki nòb,ki di e ki engra anpil, ki se pwoteje ak sèvi. Nan non Pèp ayisyen an map di bòn fèt ak tout polisye, polisyè nou yo.”

Lapolis la ki egziste depi 25 kan ap fè fas ak diferan pwoblèm. Pandan semèn nan, gwoup polisye 509 yo te pran lari yon lòt fwa ankò pou kontinye mande meyè kondisyon travay. Anpil obsèvadè denonse vyolans ke gwoup polisye sa a pafwa chwasi pou fè revandikasyon yo pase.

Moun te ka wè nan yon video kap sikile sou medya sosyal, lese frape ant 2 gwoup polisye nan Pòtoprens, polisye 509 yo ak yon lòt gwoup polisye. Yon medya an liy ann Ayiti rapòte jedi 12 jen an, lanmò yon polisye UDMO nan Kap-ayisyen apre yon lese frape ant lapolis ak yon gwoup nèg ame.

Depi lèl te kreye nan ane 95 yo, Polis Nasyonal la , PNH, pèdi plizyè manm li ki mouri asasine anba men bandi ame sitou nan kapital ayisyèn nan Pòtoprens. Jiskaprezan, pi gwo defi fòs de lòd yo se rive deloje band ame yo ki fè baz yo nan plizyè katye popilè e ke anpil moun kwè se yo ki responsab fenomèn ensekirite ak kidnapin nan.

Nan diskou sikonstan li, Direktè Jeneral Polis la, Normil Rameau, salye tout polisye pou travay ak kouraj yo kote li di Lapolis la se kolòn vètebral demokrasi a ann Ayiti. DGPNH Rameau di li rekonèt difikilte PNH la kote lè te pran tèt enstitisyon ane pase li te obsève ke peyi a gen plis pase 100 gwoup gang e enstitisyon polis la li menm te an debandad. Li ankouraje tout lapolis travay ak li pou kontinye pote amelyorasyon nan sekirite peyi a. Li made otorite konsène yo pou satifè revandikasyon polisye yo ak mete bon jan mwayen aldispozisyon yo pou yo ka fè travay yo kòm sa dwa.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

These Football Times

The home of longform football writing

Discover

A daily selection of the best content published on WordPress, collected for you by humans who love to read.

%d bloggers like this: